Հայաստանի մարզային քաղաքներու բնակչութիւնը նուազած է 18.4%-ով

Հայաստանի բնակչութեան թուաքանակը 2001 թ.-էն 2022 թ.-ը նուազած է 8.7%-ով՝ հասնելով 2,932,731-ի, ընդ որում՝ բնակչութեան թիւի անկման գործընթացը առաւել արագ եղած է մարզային քաղաքներու պարագային՝ 18.4%, համեմատութեան համար՝ դիտարկուող ժամանակահատուածին Երեւանի բնակչութիւնը նուազած է 1.5%-ով, իսկ գիւղական բնակչութիւնը՝ 7.5%-ով։

Ներկայիս մարզային 47 քաղաքներուն մէջ կ’ապրին 785,236 մարդ, բնակչութեամբ ամենամեծ քաղաքը Գիւմրին է՝ 112,301, իսկ ամենափոքրը՝ Սիւնիքի մարզի Դաստակերտ քաղաքը՝ 227 բնակիչով։

Դիտարկուող ժամանակահատուածին մարզային քաղաքներու շրջանի բնակչութեան թիւի ամենամեծ անկումը գրանցուած է Ծաղկաձորի մէջ (-38%), որուն կը յաջորդեն Գաւառը (-33%), Թալինը (-30%), Վանաձորը (-30%) եւ Կապանը (-28%)։

2001 թ.-ի հաշուարկումներուն համեմատ բնակչութեան թիւի աճ արձանագրուած է քաղաքներէն հինգ հատի մէջ՝ Ագարակ (17 անգամ), Բիւրեղաւան (28%), Եղուարդ (6%), Աբովեան (4%) եւ Արթիկ (0.5%):