Կութ գիւղի ամբողջ դիրքերը, թշնամու դիտակէտերը երեւում են. թշնամին մխրճուած է ՀՀ ինքնիշխան տարածք. Իշխան Սաղաթէլեան
Պարբերաբար այցելում ենք սահամնամերձ շրջաններ, սահմանապահ գիւղեր՝ նախ բնակչութեան խնդրներն ու հոգսերը հասկանալու, անվտանգութեան հետ կապուած հարցերին տեղում ծանօթանալու. գլխաւոր խնդիրն այս տարածարջանում շարունակում է մնալ անվտանգութեան հարցը, գիտէք, որ այս իշխանութիւնների քաղաքական գործունէութեան արդիւնքում, հիմա որտեղ, որ կանգնած ենք, օրինակ՝ Կութ գիւղի ամբողջ դիրքերը, թշնամու դիտակէտերը երեւում են, էսօր թշնամին այս ուղղութեամբ եւս մխրճուած է ՀՀ ինքնիշխան տարածք եւ բարձր դիրքեր է գրաւում։ Այս մասին Կութ գիւղում ասաց «Հայաստան» խմբակցութեան պատգամաւոր, ՀՅԴ ԳՄ ներկայացուցիչ Իշխան Սաղաթէլեանը:
ԱԺ «Հայաստան» խմբակցութեան պատգամաւորները հերթական այցով Գեղարքունիքի մարզի Վարդենիսի տարածաշրջանում էին: Պատգամաւորներն այցելել են Գեղամասար, Կութ եւ Սոթք համայնքներ, հանդիպել համայնքի բնակիչներին, լսեցին նրանց մտահոգութիւնները, բարձրաձայնած խնդիրներն ու պատասխանել բնակիչների հարցերին:
Սաղաթէլեանը անդրադարձաւ նաեւ Սոթքի հանքավայրի ծաւալների կրճատմանն ու դրա հետեւանքով, յատկապէս, տեղաբնակ աշխատակիցների կրճատման խնդրին.
«Սոթքի հանքի շահագործման դադարեցումը կամ ծաւալների կրճատումը լրջագոյն խնդիր է եւ նոր արտագաղթի պատճառ է հանդիսանալու», ասաց ընդդիմադիր պատգամաւորը:
Հարցին, որ Հայաստանի իշխանութիւնը սկսել է ակտիւ աշխատանքներ տանել Ատրպէյճանի հետ՝ սահմանագծման ու սահմանազատման գործընթացի ուղղութեամբ, հնարաւո՞ր է դրա հետեւանքով եւս ունենանք մեծ թուով արտագաղթող հայրենակիցներ ու կորսուած բնակավայրեր, պատգամաւորն ասաց.
«Ատրպէյճանի հետ կնքուող պայմանագրի մասին, որ խօսում են, որի անունը դրել են այսպէս կոչուած «խաղաղութեան պայմանագիր», խաղաղութեան հետ կապ չունի եւ դա, ըստ էութեան, նոր կապիտուլիացիայի պայմանագիր է եւ մեր պետութեան հետագայ կենսագործունէութիւնը դնելու է հարցականի տակ. մենք, բնականաբար, դէմ չենք խաղաղութեանը եւ առհասարակ բանակցութիւններին, բայց դէմ ենք Ատրպէյճանի հետ ստրկացման պայմանագիր կնքելուն, եւ այն արշաւը, որ այսօր սկսել է օրուայ իշխանութիւնը իր խամաճիկների հետ, ասելով՝ պատրաստւում ենք Ատրպէյճանի հետ գնանք խաղաղութեան պայմանագրի, մեր պարտքն ենք համարում նաեւ մեր ժողովրդին տեղեկացնել, որ հերթական անգամ ձեզ խաբում են։
Մանրամասները՝ տեսանիւթում
Comments are closed.