Զօրակցական հանդիսութիւն՝ ի նպաստ Ջաւախքի եւ Լոռիի

ՀՅԴ Գանատայի Կեդրոնական Կոմիտէի «Լոռի-Ջաւախք» յանձնախումբին կազմակերպութեամբ եւ հովանաւորութեամբ ՀՅԴ Գանատայի Կեդրոնական կոմիտէին, ՀՕՄ-ի Գանատայի Շրջանային վարչութեան, ՀՅԴ Գանատայի Երիտասարդական Միութեան Կեդրոնական վարչութեան, Թորոնթոյի եւ Մոնթրէալի մէջ տեղի պիտի ունենան Զօրակցական հանդիսութիւններ ի նպաստ Լոռիի եւ Ջաւախքի:

Թորոնթոյի մէջ Շաբաթ, 17 Մարտին, երեկոյեան ժամը 8:00-ին, Հայ կեդրոնի սրահին մէջ, իսկ 18 Մարտին, երեկոյեան ժամը 6:00-ին՝ Մոնթրէալի «Բաստրմաճեան» սրահին մէջ. Զոյգ ձեռնարկներուն տեղի պիտի ունենայ գեղարուեստական յայտագիր, մասնակցութեամբ ազգային երգերու մեկնաբան, հայրենի երգիչ Մկրտիչ Մկրտիչեանի (Մակիչ), որ յատկապէս այս առթիւ հրաւիրուած է Հայաստանէն: