December 03, 2025
Արժէքաւոր Նուիրատուութիւն Հայոց Ցեղասպանութեան Թանգարան–Հիմնարկին
- (0)
Վենետիկի Մխիթարեան միաբանութեան անդամ Վահան ծ. վրդ. Օհանեան Հայոց ցեղասպանութեան թանգարան-հիմնարկին յանձնած է շուրջ 32 հազար միաւոր փաստաթուղթ, զորս ան հաւաքած է իր երկարամեայ գիտական, հոգեւոր եւ ազգային ծառայութեան ընթացքին:
Նիւթերը կ՛ընդգրկեն ամերիկեան, բրիտանական թերթերէ յօդուածներ եւ Ֆրանսայի Նանթ քաղաքի արխիւին մէջ պահպանուած դիւանագիտական փաստաթուղթեր` Հայոց ցեղասպանութեան եւ ընդհանրապէս Հայկական հարցին առնչութեամբ:
Այս արժէքաւոր հաւաքածոն կարեւոր աղբիւր կը հանդիսանայ հետագայ ուսումնասիրութիւններու, յատկապէս` Հայոց ցեղասպանութեան պատմութեան հետազօտման համար:
