Առաջնորդ Սրբազան Բաբգէն Արք. Չարեան Ուինիփէկի հայ համայնքին հետ
2285
0
Շաբաթ, 24 Փետրուարին, Գանատայի Թեմի Առաջնորդ Բաբգէն Արք. Չարեան մեկնեցաւ Ուինիփէկ, նախագահելու համար Ս. Վարդան Հայց. Առաքելական եկեղեցւոյ շաբաթավերջի ձեռնարկներուն եւ արարողութիւններուն։
Շաբաթ երեկոյեան St. Andrews United եկեղեցւոյ մէջ տեղի ունեցաւ դասական երգերու երեկոյ, սոփրանօ Սվեթլանա Ղարակոզեանի եւ դաշնակահար Տիգրան Սահակեանի մենակատարութեամբ։
Ձեռնարկի բացման խօսքը փոխանցեց հոգաբարձութեան ատենապետ պրն. Սարօ Պօղոսեան, իսկ աւարտին, Բաբգէն Արքեպիսկոպոս գնահատանքի իր խօսքը փոխանցեց արուեստագէտ երիտասարդներուն՝ մաղթելով իրենց փայլուն ու կանաչ ապագայ։