Աջակցինք մեր ուսանողներուն. ՀՕՄ-ի «Կրթանպաստ Ծրագիր»

ՀՕՄ-ի Գանատայի Շրջանային Վարչութիւնը ինչպէս միշտ յանձնառու եղած է հայ ուսանողին կրթանպաստ տրամադրելու, առաջնահերթութիւն նկատելով անոր նեցուկ կանգնիլը, որպէսզի հեզասահ ընթանայ հայ ուսանողին ուսման դժուարին ճանապարհը։ Արդ՝ ուրախութեամբ ձեզ կը տեղեկացնենք, թէ վարչութիւնս կազմակերպած է «Կրթանպաստ Ծրագիր»ի ի նպաստ երկու ձեռնարկներ։

– Մոնթրէալի մէջ «ԶՈՒԼԱԼ» ԱՔԱՓԵԼԼԱՅ ելոյթը, որ տեղի պիտի ունենայ 23 Նոյեմբեր 2024-ի երեկոյեան ժամը 8։00-ին, «Աստղիկ եւ Վարդգէս Սարաֆեան» նախակրթարանի Բասդրմաճեան սրահէն ներս։ Ելոյթի աւարտին տեղի պիտի ունենայ հիւրասիրութիւն արուեստագէտներուն ներկայութեամբ: Սոյն ձեռնարկին մուտքի սակն է՝ $65, պատանիներու եւ փոքրերու համար՝ $40։
Ծանօթ՝ $250 նուիրատուութեան դիմաց պիտի տրուի տուրքէ զերծ ստացագիր եւ երկու հրաւիրատոմսեր։

– Թորոնթոյի մէջ Wine and Cheese ձեռնարկը, որ տեղի պիտի ունենայ 29 Նոյեմբեր 2024-ի երեկոյեան ժամը 7։00-ին, Հայ Կեդրոնի սրահէն ներս, մուտքը ազատ։

Զոյգ ձեռնարկները լաւագոյն առիթ են ներկաները եւ ՀՕՄ-ի Գանատայի Շրջանային Վարչութեան Կրթաթոշակ ստացող երիտասարդները միատեղ համախմբուելու եւ իրարու ծանօթանալու:

Ձեր քաջալերանքը, ինչպէս նաեւ նիւթական աջակցութիւնը մեծապէս պիտի նպաստէ ՀՕՄ-ի Գանատայի Շրջանային Վարչութեան «Կրթանպաստ Ծրագիր»ի յաջողութեան։

ՀՕՄ-ի Գանատայի Շրջանային Վարչութեան անունով կանխայայտ շնորհակալութիւն կը յայտնենք ձեզի:
6 Նոյեմբեր 2024