Ամենայն Հայոց Կաթողիկոսը, Հայաստանի Եւ Արցախի Նախկին Նախագահները Քննարկած Են Հայաստանի Մէջ Ստեղծուած Իրավիճակը

Մայր աթոռ Ս. Էջմիածինի տեղեկատուական համակարգը մանրամասնութիւններ ներկայացուցած է Ամենայն հայոց Գարեգին Բ. կաթողիկոսի, Հայաստանի եւ Արցախի նախկին նախագահներու հանդիպման վերաբերեալ: «Արմէնփրես»-ի համաձայն, Մայր աթոռի տեղեկատուական համակարգը հանդիպման մասին հետեւեալ հաղորդագրութիւնը տարածած է.

«22 սեպտեմբերին, հրաւէրով Գարեգին Բ. Ամենայն հայոց կաթողիկոսի, Մայր աթոռ Ս. Էջմիածինի մէջ տեղի ունեցած է հանդիպում` մասնակցութեամբ Հայաստանի Հանրապետութեան նախագահներ Լեւոն Տէր Պետրոսեանի, Ռոպերթ Քոչարեանի, Սերժ Սարգսեանի եւ Լեռնային Ղարաբաղի Հանրապետութեան նախագահներ Արկադի Ղուկասեանի եւ Բակօ Սահակեանի:

Հայաստանի մէջ ստեղծուած իրավիճակի առնչութեամբ տեղի ունեցած է շահագրգիռ քննարկում: Որոշում տրուած է շարունակել հանդիպումները», նշուած է հաղորդագրութեան մէջ:

Leave a Comment

You must be logged in to post a comment.