Քաղաքական հոգեվարքի եւ հոգեկան անհաւասարակշռութեան դրսեւորումներն աւելի են սրուելու 2026-ին ընդառաջ

Համառօտ՝ երէկուայ ֆարսի մասին

1․ Ընդդիմութեանը «բռնելու» անոնսը տրուել էր դեռ երկու շաբաթ առաջ՝ ԱԺ-ում, ուր երկրի իշխանութեան բոլոր ճիւղերը ուզուրպացրած Փաշինեանը հերթական սրացման պահին բացայայտ յայտարարեց, «սաղիդ/ընդդիմութեանը/լցնելու եմ ԱԱԾ պադուալները»։ Որ ուժայիններն են այս իշխանութեան յենարանը՝ առաւել քան ակնյայտ է։ Որ չկայ ուժային, որ չի կարտարի իր հրահանգը՝ նոյնպէս։

2․ Բնականաբար ծրագրուած օպերացիայի ձնծաղիկները յայտնուեցին CIVIC-ի պադուալում, եւ հրապարակ նետուեց մէկ տարուայ վաղեմութեան ինչ-որ թուղթ, որին յաջորդեց մասկի շոուն։ Անկախ այն զաւեշտական բանից, որ այդ թուղթը 2024-ի թուագրութիւն ունէր, այդպիսի բովանդակութեամբ ծրագիր կարող է կազմել համակարգիչ ունիցող միջին եւ դրանից էլ ցածր գիտելիքներով ցանկացած անձ, աներկբայ է նաեւ, որ այդպիսի ծրագիր կարող է ունենալ հանրային համախմբման նպատակ ունեցող ցանկացած շարժում կամ քաղաքական հոսանք, հակաօրինական բան չկար այդտեղ։
3․ Քանի որ սա բաւարար չէ, տեսարանը պէտք էր հարստացնել եւ դարձնել «տպաւորիչ»։ Անցում է կատարւում «մասկի շոու» էտապին եւ վրայ է գալիս իրեղէն ապացոյցների փուլը, ուր հանրայնացւում են մոնտաժուած ձայնագրութիւններ, ՕՐԻՆԱԿԱՆ մէկ-երկու զէնք, մանկական խաղալիքներ, ինչ-ոչ պտաւոր գլխաշոր ու մանկակայն հրավառութեան պարագաներ։

4․ Սա էլ բաւարար չէ․ Փաշինեանի՝ որպէս բռնապետական ռեժիմ կառուցողի փաստն արդէն միջազգային զեկոյցներն են արձանագրում։ Եւ մէջտեղ է նետւում «ահաբեկչութեան» թեզը։ Դէ, ահաբեկչութիւնը, բնականաբար, սրբազան կով է արեւմտեան աշխարհի համար, ինչը թոյլ կը տայ ապահովագրել իրեն երկրում քաղաքական տեռորը շարունակելու ծրագրի քօղով։ Իսկ միջազգայիններն էլ ի հարկէ պարտաւոր են հաւատալ եւ քաջալերել «պրոռուսական ագենտ ահաբեկիչների» դէմ պայքարը։

5․ Հիմա եկել է հիմնաւորելու փուլը։ Եւ երկրում «մոլեգնող ահաբեկիչներին բացայայտելու, դատապարտելու» մասին տեքստեր են գրում Փաշինեանի սազանդարները՝ ժողովրդավարութեան բաստիոնի շահառուները, որոնցից շատերն իրենց գնահատականները հնչեցրին անգամ հետախուզումներին զուգահեռ։ Հրահանգուած էր ըստ սցենարի

Եւ՝

Ա․ «Ահաբեկիչների դէմ պայքարի» քօղով Փաշինեանն արեւմուտքից կանաչ լոյս է ստանում, ազատ դառնում իր բոլոր գործողութիւններում։

Բ․ Փորձում է վախի ու ռեպրեսիաների գործիքակազմով 37 թ․-ի վերածել երկիրը՝ լռեցնել դիմադրութեան օճախները, պարզապէս գլխատել հայ միտքն ու կամքը։

Գ․ Ձերբակալութիւնների եւ ճնշումների ֆոնին սահուն դարձնել նոր զիջումները։

Յ․Գ․ Բնականաբար, այս ամէնը՝ քաղաքական հոգեվարքի եւ հոգեկան անհաւասարակշռութեան դրսեւորումներն, աւելի են սրուելու 2026-ին ընդառաջ։ Գիտակցել, կազմակերպուել, չյանձնուել եւ հաւատալ։

Լիլիթ Գալստեան
ՀՅԴ Բիւրոյի անդամ, ԱԺ «Հայաստան» խմբակցութեան պատգամաւոր