Վրաստանի Նախագահը Այցելեց Ախալքալաքի Սուրբ Խաչ Եկեղեցի

Ինչպէս կը տեղեկացնէ «Հայերն այսօր»-ը, Վրաստանի նախագահ Սալոմէ Զուրաբիշուիլին Ապրիլ 14-ին այցելած է Ախալքալաքի Սուրբ Խաչ առաջնորդանիստ եկեղեցի:  Այցը նախապէս ծրագրուած չէ եղած. նախագահը որոշած է մտնել եկեղեցի`  իմանալով, որ Հայ Առաքելական եկեղեցին կը նշէ Ծաղկազարդը:

Վիրահայոց թեմի Սամցխէ-Ջաւախքի եւ Ծալկայի ընդհանուր առաջնորդական նորանշանակ փոխանորդ Տէր Մաղաքիա վարդապետ Ամիրեան իր խօսքին մէջ բարձր  գնահատած է նախագահին  չնախատեսուած այցը` շեշտելով, որ անիկա մեծ նշանակութիւն ունի հայ-վրացական եղբայրական յարաբերութիւններուն մէջ:

Այնուհետեւ Սալոմէ Զուրաբիշուիլին ուղեւորուած է Նինոծմինտային պատկանող Փոկա գիւղ:

Leave a Comment

You must be logged in to post a comment.