ՀՕՄ-ի Թորոնթոյի Ամէնօրեայ Վարժարանի 2018-ի նուիրահաւաքէն գոյացաւ $364,368 տոլար
2184
0
Մայիս 31-ին հրապարակուած յատուկ հաղորդագրութամբ մը, ՀՕՄ-ի Թորոնթոյի Ամէնօրեայ Վարժարանի Կրթական Մարմինն ու Տնօրէնութիւնը իրենց երախտագիտական ջերմ զգացումներն ու շնորհակալութիւնը կը յայտնեն բոլոր անոնց որոնք նպաստեցին վարժարանի տարեկան դրամահաւաքին՝ Թելեթոն 2018-ին։ Շնորհիւ վարժարանի նուիրատուներուն, Թելեթոնի յանձնախումբի ճիգերուն եւ Նոր Հայ Հորիզոն հեռուստաժամին, կարելի եղաւ գոյացնել $364,368 տոլար: Ուշագրաւ էր աշակերտներու մասնակցութիւնը, իրենց ձեռնարկած «Նուիրէ՛ ըստ Տարիքիդ» հպարտալի նախաձեռնութեամբ: 2019-2020 տարեշրջանը կը զուգադիպի Վարժարանի 40-ամեակին. այսպիսով, գալիք սերունդներուն համար նոր էջ մը կը բացուի վարժարանը ամուր հիմերու վրայ եւ կենսունակ պահելու առաքելութեան մէջ: