December 03, 2025
ՀՅԴ Անդամ Իկոր Սարգսեանի Կալանքը Փոխուեցաւ Տնային Կալանքով
- (0)
«Սրբազան պայքար» դատական գործով կալանաւորուած ՀՅԴ Հայաստանի Գերագոյն Մարմնի անդամ Իկոր Սարգսեանի կալանքը փոխուեցաւ տնային կալանքով։
Երեւանի ընդհանուր իրաւասութեան քրէական դատարանի դատաւոր Կարեն Ֆարխոյեան բաւարարեց իրաւապաշտպաններու ներկայացուցած միջնորդութիւնը։
«Նոյեմբերի 25-էն ետք, երբ կալանքի ժամկէտը լրանայ, պիտի կիրառուի տնային կալանք, բացակայութեան արգելք եւ երկու միլիոն դրամ գրավ»,— նշեց Ֆարխոյեանը։
Յիշեցնենք, թէ Իկոր Սարգսեանը կալանաւորուած է իշխանութիւններու կողմէ յօրինուած «յեղաշրջման» շինծու դատական գործի պատճառով, որուն ծիրէն ներս մեղադրանք առաջադրուած է տասնըութ անձի նկատմամբ, որոնց մէջ է նաեւ Բագրատ Արքեպիսկոպոս Գալստանեանը։
