Հայաստանի Արտաքին Գործոց Փոխնախարարները Ներկայացուցին Իրենց Հրաժարականները

Հայաստանի արտաքին գործոց նախարարութեան լրատուութեան եւ հանրային դիւանագիտութեան վարչութենէն կը տեղեկացնեն, որ Հայաստանի արտաքին գործոց բոլոր (երեք) փոխնախարարները ներկայացուցին իրենց հրաժարականները, որոնք անցեալ շաբաթ համապատասխան միջնորդագիրներով ուղարկուած են վարչապետի աշխատակազմին:

Հրաժարականի դիմում ներկայացուցած փոխնախարարներն են` Արտակ Ապիտոնեան, Աւետ Ադոնց եւ Արմէն Ղեւոնդեան:

Աւելի կանուխ, հրաժարական տուած էր նաեւ արտաքին գործոց փոխնախարարներէն Գագիկ Ղալաչեան: