Իրեն յարգող ցանկացած երկրի վարչապետ հրաժարական կը տար. Արմէն Ռուստամեան

Ազգային ժողովում կառավարութեան հետ հարցուպատասխանի ժամանակ ՀՅԴ Բիւրոյի քաղաքական ներկայացուցիչ «Հայաստան» խնբացութեան պատագամաոր Արմէն Ռուստամեանը յայտարարեց, որ իրենք հրապարակում հաւաքուած ժողովրդի կողմից գործուղուել են՝ ներկայացնելու Նիկոլ Փաշինեանի հրաժարականի հանրային պահանջը և այդ նպատակով են, որ այստեղ են։

Այնուհետև Ռուստամեանն ընթերցեց այդ պահանջը.

«Հայաստանի Հանրապետութեան վարչապետի պաշտօնը զբաղեցնող Նիկոլ Փաշինեանը, տապալելով Արցախեան հակամարտութեան բանակցային գործընթացում հայկական շահերը պաշտպանելու գործը, բերել է պատերազմ ու պարտութիւն։

Խոստովանել է, որ կարող էր կանխել պատերազմն ու խուսափել հազարաւոր զոհերից, բայց չի արել։

2021 թ. յունիսին խոստացել է 1-2 ամիս անց վերադարձնել գերիներին, բայց մինչ օրս գերիներ ունենք։

Իր նախընտրական ծրագրով խոստացել է, որ վարելու է Արցախի վերջնական կարգավիճակի յստակեցման քաղաքականութիւն ինքնորոշման իրաւունքի լիարժէք իրացման միջոցով։ Պնդել է, որ Արցախի ժողովուրդը չի կարող գոյատևել Ադրբեջանի ենթակայութեան ներքոյ, առաջնահերթ է համարում Արցախի տարածքների դեօկուպացիան, սակայն փաստացի իրականացնում է Ղարաբաղն Ադրբեջան է և վերջ քարոզն ու պաշտպանում Արցախի կարգավիճակի նշաձողի իջեցման՝ այն է Արցախն Ադրբեջանի մաս ճանաչելու թուրք-ադրբեջանական տեսակէտը։

Խոստացել է տնտեսական թռիչքաձև աճ, բայց աճում են պետական պարտքը, աղքատութիւնը, գները և մահերը։

Չի կատարել բազմաթիւ խոստումներ, որոնցից վերջինը ողբերգական աւարտ ունեցավ։

Պադավատապետութեան դէմ խօսացող, կարմիր լոյսի տակ իր ավտոշարասեան կանգնեցնելն ու հետիոտներին զիջելը որպէս ձեռքբերում ներկայացնող Փաշինեանի ավտոշարասիւնը սպանեց կնոջը և իր դեռ չծնուած երեխային։

Նիկոլ Փաշինեանը լեգիտիմ չէ, չունի մեր պետութիւնը նոր զիջումների տանելու մանդատ ու պէտք է հրաժարական տայ»։

«Այս հարցերից ցանկացածի առկայութիւնը փաստելու պարագայում իրեն յարգող ցանկացած երկրի վարչապետ հրաժարական կը տար։ Հիմա պատասխան կա՞յ այս պահանջին, թէ՞ ոչ»,- ասաց Ռուստամեանը։