Արցախի Նախագահական Ընտրութիւններուն ՀՅԴ-ի Թեկնածու Դաւիթ Իշխանեանի Կենսագրական Գիծերը

ՀՅ Դաշնակցութեան Արցախի արտակարգ Շրջանային ժողովը որոշեց Արցախի Հանրապետութեան նախագահական ընտրութիւններուն մասնակցիլ սեփական թեկնածուով եւ նախագահի թեկնածու առաջադրեց Դաւիթ Իշխանեանը, որուն կենսագրական գիծերը կը ներկայացնենք ստորեւ:

Ծնած է 27 դեկտեմբեր 1968-ին Լեռնային Ղարաբաղի Մարտունիի շրջանի Աշան գիւղը:

1975-1985 յաճախած է Աշանի միջնակարգ դպրոցը:

1985-1992 ուսանած է Ստեփանակերտի մանկավարժական համալսարանի պատմութեան բաժանմունքին մէջ` պատմութիւն եւ իրաւագիտութիւն մասնագիտութեամբ:

1987-1989 ծառայած է Խորհրդային Միութեան զինուած ուժերուն մէջ:

Արցախեան ազատագրական պայքարի եւ կամաւորական շարժման աշխուժ մասնակից է:

1989-1991 եղած է ուսանողական ջոկատի գործուն անդամ:

1991-1995` Լեռնային Ղարաբաղի առաջին գումարման Գերագոյն խորհուրդի պատգամաւոր:

1992-1995 ծառայած է Լեռնային Ղարաբաղի պաշտպանութեան բանակին մէջ, եղած Մարտունիի շրջանի թիւ 28 գումարտակի հրամանատար:

1995-2000` Աշանի միջնակարգ դպրոցի տնօրէն:

2000-2005` Աշանի համայնքի ղեկավար:

1989-էն`  ՀՅԴ-ի անդամ:

2007-էն մինչեւ օրս` ՀՅԴ Արցախի Կեդրոնական կոմիտէի ներկայացուցիչ:

3 մայիս 2015-ին խորհրդարանական ընտրութիւններուն թիւ 8 ընտրատարածքէն մեծամասնական ընտրակարգով ընտրուած է Լեռնային Ղարաբաղի վեցերորդ գումարման Ազգային ժողովի պատգամաւոր:

Մայիս 2015-էն մարտ 2017` Արցախի Ազգային ժողովի «Դաշնակցութիւն» խմբակցութեան ղեկավար:

Ազգային ժողովի Ֆինանսապիւտճէական եւ տնտեսական կառավարման հարցերու մնայուն յանձնախումբի անդամ է:

Ամուսնացած է, ունի 3 զաւակ:

Պարգեւատրուած է «Մարտական խաչ» առաջին աստիճանի շքանշանով եւ «Մխիթար Գոշ» մետալով: