«Ամէն Ինչ Պիտի Ընենք, Որպէսզի Ժողովուրդին Մէջ Քանդենք Դաշնակցութեան Մասին Կարծրատիպերը». Յակոբ Տէր Խաչատուրեան

Ստորեւ կը ներկայացնենք ՀՅԴ Բիւրոյի ներկայացուցիչ Յակոբ Տէր Խաչատուրեանին հետ «Հրապարակ»-ին կատարած հարցազրոյցը:

ԼՈՒՍԻՆԷ ՇԱՀՎԵՐԴԵԱՆ.- Հրանդ Մարգարեանը շատ յստակ էր ձեւակերպել իր ասելիքը, որ յառաջիկայ տարիներին կուսակցութեան խնդիրն է լինելու` տուն ուղարկել իշխանութեանը, հիմա դուք ասում էք, որ պատրաստ էք որոշ ոլորտներում համագործակցել: Այնտեղ, որտեղ ձեզ կը լսեն, միւսներում` ոչ: Հիմա համագործակցութիւնն ի՞նչ ձեւաչափով է լինելու` տուն ուղարկելո՞ւ, թէ՞ այլ:

ՅԱԿՈԲ ՏԷՐ ԽԱՉԱՏՈՒՐԵԱՆ.- Ես նշեմ` ի՛նչ է մօտեցումս, կրնամ թուել, թէ ո՛ր ոլորտներուն մէջ կրնանք համագործակցիլ, եթէ արդար ձեւով այն իրականացուի: Ըլլայ այն կաշառակերութեան, մենաշնորհներու դէմ պայքարի, լայն ժողովրդավարութեան հաստատման, հոս չենք տեսներ, որ խնդիր պէտք է ունենանք համագործակցելու: Բայց եթէ ընտրովի ըլլայ, անձ մը թիրախաւորուի, մնացեալները մոռցուին, Հայաստանի մէջ բաւական ժխտական դէպքեր ենք ունեցած, սակայն անոնք կ՛երթան մինչեւ 1991 թուական: Միայն մէկ-երկու անձի վրայ կեդրոնանալը ճիշդ չենք համարեր, ոչ թէ մտահոգուած ենք այդ գործերուն բացայայտմամբ, այլ` ընտրովի ըլլալուն հանգամանքով: Իսկ ուր կրնայ այդ գործակցութիւնը փախիլ, անշուշտ, Արցախի հիմնահարցը այն կարեւոր կէտերէն մէկն է, ու եթէ ըլլան բացասական զարգացումներ, այդ պարագային մենք կարմիր գիծ կը քաշենք:

Լ. Շ.- Եթէ աւելի յստակ ձեւակերպէք` Ընդհանուր ժողովի արդիւնքում կուսակցութեան որդեգրած գիծը շա՞տ է տարբերւում Հրանդ Մարգարեանի ելոյթի տրամաբանութիւնից, թէ՞ դուք էլ էք համակարծիք, պարզապէս որոշ հարցերում համագործակցութիւնը մերժել չէք կարող:

Յ. Տ. Խ.- Ըստ էութեան, համակարծիք ենք, սակայն` ճիշդ հասկնալով: Մենք յաջորդ առիթին, որ կը ներկայացուինք ընտրութիւններուն, այսինքն` հինգ տարի վերջ, մենք ամէն բան պէտք է ընենք, որ Դաշնակցութիւնը ստանայ քաղաքական մեծամասնութիւն, ես այդպէս հասկացած եմ իր «տուն ճամբելու» յայտարարութիւնը: Կը յաջողինք թէ ոչ` ժողովուրդին կամքէն կախուած է:

Լ. Շ.- Պարո՛ն Տէր Խաչատուրեան, ձեզ համարում են հրանդմարգարեանական թեւի ներկայացուցիչ, հնարաւո՞ր է, որ հէնց պարոն Մարգարեանի տեսակէտներն առաջ մղէք կուսակցութիւնում, չնայած, որ նա ինչ-ինչ պատճառներով հեռացաւ:

Յ. Տ. Խ.- Չկայ հրանդեան թեւ եւ հակահրանդեան թեւ, ասիկա քիչ մը մամուլի առասպել է: ՀՅԴ-ն միշտ եղած է միացած: Կա՞յ ներքին հարթակի տարակարծութիւն, անշո՛ւշտ կայ, եւ զայն ներքին իմաստով ալ ժողովներուն ընթացքին փորձած ենք լուծել: Եթէ կան մարդիկ, որոնք անձնական նախասիրութիւն եւ վերաբերմունք ունին Հրանդին նկատմամբ, իրենց գործն է, ես այդ հարցերը չեմ գիտեր: Ես չեմ ուզեր անհատական յարաբերութիւնը գաղափարական հարթութիւն տեղափոխել:

Լ. Շ.- Ի՞նչ քայլեր է անելու Դաշնակցութիւնը, որպէսզի, ինչպէս դուք էք ծրագրել, քաղաքական մեծամասնութիւն դառնայ, կարծում էք` կը յաջողուի՞ վերականգնել այս տարիներին կորցրած վարկանիշը, որի հարցում, ի դէպ, մեղքի ամենամեծ բաժինը վերագրում էին հէնց Հրանդ Մարգարեանին, ով նախորդ իշխանութիւնների հետ ջերմ յարաբերութիւններ ունէր:

Յ. Տ. Խ.- Արտախորհրդարանական աշխատանքները պէտք է մեծցնենք, այլազան նախաձեռնութիւններով հանդէս գանք, սփիւռքի ներուժը փորձենք բերել Հայաստան եւ այդ ամէնը տեսանելի դարձնել ժողովուրդին, որ տեսէք` Դաշնակցութիւնը ձեռքերը ծալած չի նստիր, չէ նեղուած ընտրութիւններուն արդիւնքներէն եւ համազգային միակ ուժն է: Ես կը կարծեմ` որեւէ կորուստ դժուար չէ վերականգնել, եթէ ժողովուրդը կը տեսնէ ըրածդ, ժամանակը ցոյց կու տայ: Մենք ամէն բան պիտի ընենք, որպէսզի ժողովուրդին մէջ քանդենք Դաշնակցութեան մասին կարծրատիպերը: Չեմ ընդունիր Հրանդ Մարգարեանին վերագրուող պատկերը, որ շատեր կ՛ուզեն գծել, թէ կար միանձնեայ ղեկավարում, եւ զայն իրականացնողը Հրանդն էր: Այդպէս չէ եղած անշուշտ, քանի որ Դաշնակցութիւնը անձերէ չէ կախուած:

Լ. Շ.- Իսկ տարօրինակ չէ՞ր ՀՅԴ-իշխանութիւն փոխյարաբերութիւններից յետոյ վարչապետի համագործակցութեան առաջարկը:

Յ. Տ. Խ.- Ամենեւի՛ն, ես ալ ըլլայի` նոյնը պիտի ընէի, ամէն վարչապետ նոյնը կ՛ընէր. կը տեսնէ, որ կու գայ պատմական ժողով մը, որ ամէն անգամ նոր սկիզբ մը պիտի դնէ, այդ ժողովները կուսակցութեան մէջ վերանորոգուելու առիթ կը դառնան: Ան յայտարարեց, որ պատրաստ է համագործակցելու, մենք ալ ըսինք, որ պատրաստ ենք, միայն թէ պէտք է ճշդել, թէ ո՛ր ոլորտներուն մէջ:

Լ. Շ.- Եւ վարչապետի հետ հանդիպումից յետոյ ի՞նչ կարող էք արձանագրել, որտե՞ղ է լինելու համագործակցութիւնը եւ որտեղ` ոչ:

Յ. Տ. Խ.- Ինչպէս նշեցի, համագործակցութիւն կրնայ ըլլալ միայն մեր ծրագրային հարցերուն շուրջ, վարչապետը սկզբունքօրէն հարց չի տեսներ, սակայն կ՛ըսէ, թէ պիտի ընդունինք, որ որոշ տեղեր չենք կրնար համագործակցիլ: Արցախի հարցով մենք արմատական մօտեցումներ ունինք, ինք ըսաւ` եթէ թէժացումներ ըլլան, չենք կրնար այդ հարցում համագործակցիլ, ըսուեցաւ նաեւ` եթէ բաժանարար գիծեր ստեղծելու քաղաքականութիւնը շարունակուի, մենք լուրջ խնդիր պիտի ունենանք, ներսի-դուրսի դաշնակցականներու հետ խաղը պէտք է կանգ առնէ, ազգային գաղափարախօսութեան հետ խնդիր կայ, մեզի համար անիկա կը նշանակէ Հայ դատի ամբողջական հասկացողութիւն:

Լ. Շ.- Վարչապետն ասաց, որ այս հարցերում չի կարող ձեր մօտեցումները կիսել, համագործակցել:

Յ. Տ. Խ.- Ո՛չ, ըսաւ, որ մենք գաղափարական տարբերութիւններ ունինք:

Վարեց` ԼՈՒՍԻՆԷ ՇԱՀՎԵՐԴԵԱՆ