Նախագահ Բակօ Սահակեան հանդիպում ունեցաւ ՀՅԴ Հայ դատի յանձնախումբերուն հետ Արցախի մէջ

Մայիս 10, 2016 2184 0


 

Արցախի Հանրապետութեան նախագահ Բակօ Սահակեան Մայիս 10-ին, Տիգրանակերտի հնագիտական թանգարանին մէջ հանդիպում ունեցաւ ՀՅԴ Հայ դատի կեդրոնական խորհուրդին, տարածաշրջանային յանձնախումբերուն ու գրասենեակներուն ներկայացուցիչներուն հետ:

Լայնօրէն քննարկուած են Արցախի ներքին եւ արտաքին քաղաքականութեան, հայրենիք-սփիւռք կապերուն,  Ապրիլ 2-5 Ատրպէյճանի կողմէ սանձազերծուած լայնածաւալ պատերազմական գործողություններուն եւ անոնց հետեւանքներուն, տարածաշրջանին մէջ տեղի ունեցող զարգացումներուն վերաբերող հարցեր:

Նախագահ Սահակեան արժեւորեր է ՀՅԴ Հայ դատի գործունէութիւնը՝ Հայոց ցեղասպանութեան, Արցախի հիմնախնդրի առարկայական ներկայացման եւ համահայկական նշանակութիւն ունեցող խնդիրներու լուծման ուղղութեամբ:

Բակօ Սահակեան ողջուներ է Արցախի մէջ ՀՅԴ Հայ դատի յանձնախումբերուն եւ գրասենեակներուն համաժողովի իրագործումը՝ ընդգծելով միջոցառման իւրայատուկ կարեւորութիւնը:


Leave a Comment

You must be logged in to post a comment.