Ճատրակ. Կարէն Գրիգորեան Տիտղոսակիր` Սպանիոյ Մէջ


Կարէն Գրիգորեան

Կարէն Գրիգորեան

Հայրենի կրանտմասթըր Կարէն Գրիգորեան, որ իր մասնակցութիւնը բերաւ Սպանիոյ մէջ տեղի ունեցած «Քուիտատ Տը Մոսթոլես» արագ ճատրակի մրցաշարքին, գերսքանչելի եւ բացառիկ արդիւնք մը արձանագրելով դարձաւ տիտղոսակիր` առաւելագոյն 9 կէտէն ապահովելով 8 կէտ:

Հայաստանէն այլ մասնակցող մը` կրանտմասթըր Կարէն Մովսիսեան, գրաւեց 4-րդ դիրքը, կը յայտնէ «Արմենփրես»:

Այս մրցաշարքին իրենց մասնակցութիւնը բերին 129 ճատրակ խաղացողներ, ներառեալ` 9 կրանտմասթըրներ եւ 8 միջազգային վարպետներ, 12 տարբեր երկիրներէ:

Այժմ Կարէն Գրիգորեան պիտի մեկնի Մոնթենեկրօ, ուր իր մասնակցութիւնը պիտի բերէ «Սեթինժէ-2016» ճատրակի բաց մրցաշարքին:


Leave a Comment

You must be logged in to post a comment.