Յովսէփեան Հրապարակեց Հաւաքականին Կազմը. Մանուչարեան Վերադարձաւ Հայաստանի Կազմին


arm_8-26-15

4 եւ 7 սեպտեմբերին Հայաստանի ֆութպոլի ազգային հաւաքականը Եուրօ-2016-ի Եւրոպայի ֆութպոլի ախոյեանութեան զտումի մրցաշարքին ծիրին մէջ յաջորդաբար պիտի մրցի Սերպիոյ եւ Դանիոյ դէմ:

Հայաստանի ազգային հաւաքականը 31 օգոստոսէն 2 սեպտեմբեր մարզական հաւաք պիտի կատարէ Հայաստանի ֆութպոլի ֆետերասիոնին ակադեմիային մէջ:

3 սեպտեմբերին առաւօտուն Հայաստանի հաւաքականը կը մեկնի Սերպիա:

Հայաստանի ազգային հաւաքականի գլխաւոր մարզիչի ժամանակաւոր պաշտօնակատար Սարգիս Յովսէփեան արդէն հրապարակեց անունները, այն ֆութպոլիստներուն, որոնք հրաւէր ստացան մարզական հաւաքականին մասնակցելու համար:

Նշենք, որ Էտկար Մանուչարեանի անունը թէեւ կը բացակայէր աւելի առաջ հրապարակուած` արտասահմանի մէջ հանդէս եկող ֆութպոլիստներուն ցանկէն, սակայն երէկ անոր անունը նշուեցաւ այդ ցանկին մէջ:

Ստորեւ` Հայաստանի կազմը.

ԲԵՐԴԱՊԱՀՆԵՐ.- Գէորգ Գասպարով (Ալաշկերտ), Արսէն Բեգլարեան (Միքա) եւ Գէորգ Պրազեան (Արարատ):

ՅԵՏՍԱՊԱՀՆԵՐ.- Ռոպերթ Արզումանեան (Ամքար, Ռուսիա), Հրայր Մկոյեան (Իսթիղլալ, Իրան), Կայէլ Անտոնեան (Մարսէյ, Ֆրանսա), Յովհաննէս Համբարձումեան (Վարտար, Մակեդոնիա), Լեւոն Հայրապետեան, Տարօն Ոսկանեան, Վարազդատ Հարոյեան եւ Կամօ Յովհաննիսեան (Փիւնիկ):

ՄԻՋՆԱՊԱՀՆԵՐ.- Հենրիխ Մխիթարեան, (Պորուսիա Տորթմունտ, Գերմանիա), Գէորգ Ղազարեան (Մարիթիմօ, Փորթուգալ), Մարքոս Փիցելլի (Աքթոպէ, Ղազախստան), Արազ Օզպիլիս (Սպարտակ Մոսկուա, Ռուսիա), Նորայր Ասլանեան (Ալմեր Սիթի, Հոլանտա), Արտեոմ Սիմոնեան (Ֆ. Ք. Ցիւրիխ, Զուիցերիա), Արթուր Եուզպաշեան (Փիւնիկ) եւ Արտակ Գրիգորեան (Ալաշկերտ):

ՅԱՌԱՋԱՊԱՀՆԵՐ.- Եուրա Մովսիսեան (Սպարտակ Մոսկուա, Ռուսիա), Էտկար Մանուչարեան (Ուրալ, Ռուսիա) եւ Ռուսլան Քորեան (Լուչ-Էներկիա, Ռուսիա):

 

 


Leave a Comment

You must be logged in to post a comment.