«Ճատրակը Դպրոցներուն Մէջ» Միջազգային Գիտաժողով` Երեւանի Մէջ
- (0)
Երէկ` ուրբաթ, 17 հոկտեմբերին, Երեւանի մէջ աշխարհի շուրջ 30 երկիրներու պատուիրակներու մասնակցութեամբ սկսաւ միջազգային գիտաժողով մը` «ճատրակը դպրոցներուն մէջ» խորագիրով:
Հայաստանի ճատրակի ֆետերասիոնին պաշտօնական կայքը աւելցուց, որ այս գիտաժողովը կազմակերպեցին Հայաստանի կրթութեան եւ գիտութեան նախարարութիւնը, ՖԻՏԷ-ն, Հայաստանի ճատրակի ֆետերասիոնը եւ ճատրակի ակադեմիան` գործակցութեամբ Խ. Աբովեանի անուան հայկական պետական մանկավարժական համալսարանին:
Գիտաժողովին բացման արարողութեան ներկայ էին Հայաստանի նախագահ, ճատրակի ֆետերասիոնի նախագահ Սերժ Սարգսեան եւ ՖԻՏԷ-ի նախագահ Քիրշան Իլիումժինով:
