Ժիրայր Սեֆիլեանը Դատապարտուեցաւ 10 Տարի 5 Ամիս Ժամկէտով Ազատազրկման

«Երկիր Մետիա»-ն կը հաղորդէ, թէ Երեւանի ընդհանուր իրաւասութեան դատարանի դատաւոր Տաթեւիկ Գրիգորեան երէկ հրապարակեց «Նոր Հայաստան» հանրային փրկութեան ճակատի առաջնորդ Ժիրայր Սեֆիլեանի եւ ընկերակիցներուն գործով դատավճիռը:

Դատարանի վճիռով Ժիրայր Սեֆիլեան մեղաւոր նկատուեցաւ եւ դատապարտուեցաւ 10 տարի 5 ամիս ժամկէտով ազատազրկման: Յիշեցնենք, որ մեղադրողը միջնորդած էր Սեֆիլեանը դատապարտել 11 տարուան ազատազրկման, իսկ Գէորգ Սաֆարեանը 5 տարի 5 ամիս ժամկէտով ազատազրկման:

Հարցով միւս ամբաստանեալներէն Ներսէս Պօղոսեանը դատապարտուեցաւ 3 տարի 6 ամիս, Գալուստ Գրիգորեանը` 3 տարի, Հրայր Թոփչեանը` 3 տարի, Սասունիկ Կիրակոսեանը` 3 տարի 6 ամիս, Յովհաննէս Պետրոսեանը` 2 տարի ժամկէտով ազատազրկման:

Leave a Comment

You must be logged in to post a comment.