Կռփամարտ. Եւրոպայի Աւագ Տարիքի Պատանեկան Ախոյեանութիւն. Հայաստան Գրաւեց Առաջին Դիրքը` Խմբային Դասաւորման Մէջ
1709
0
Իտալիոյ մէջ իր աւարտին հասած Եւրոպայի կռփամարտի աւագ տարիքի պատանեկան ախոյեանութեան, Հայաստանի տղոց հաւաքականը ընդհանուր դասաւորման մէջ գրաւեց առաջին դիրքը:
Հայրենի կազմը իր ելոյթները աւարտեց 5 մետալով (երկու ոսկի, մէկ արծաթ եւ երկու պրոնզ):
Ոսկիէ մետալակիր դարձան Վաղարշակ Քեյեան (46 քկ) եւ Էրիկ Առստամեան (52 քկ):
70 քկ դասակարգին մէջ, Երանոս Օհանեան քիթի վնասուածքի պատճառով չկրցաւ աւարտականի մրցումին մասնակցիլ, եւ անոր վիճակուեցաւ արծաթ մետալը:
Վերջապէս, պրոնզէ մետալակիր դարձան Դաւիթ Սաֆարեան (50 քկ) եւ Ռաֆայէլ Ներսիսեան (60 քկ):