July 08, 2026
Արցախի Ազգային ժողովի նախագահի թեկնածուին շուրջ քննարկումներ տեղի կ՚ունենան
- (0)
ԵՐԵՒԱՆ — Արցախի Հանրապետութեան Ազգային ժողովին մէջ քննարկումներ տեղի կ՚ունենան խորհրդարանի նոր նախագահի թեկնածուին շուրջ։ Այս մասին «Փաստինֆօ»-ին յայտնած է Արցախի պետական նախարար Նժդեհ Իսկանդարեան։
«Արցախի Ազգային ժողովը քննարկումներ կը կատարէ։ Սպասենք եւ տեսնենք, թէ որեւէ թեկնածուի շուրջ համաձայնութիւն պիտի գոյանա՞յ», յայտնած է Իսկանդարեան։
Արցախի Հանրապետութեան Ազգային ժողովի նախագահ Աշոտ Դանիէլեան յուլիս 2-ին յայտարարած էր իր պաշտօնէն հրաժարելու մասին։
