ԳԱՆԱՏԱՅԻ ՀԱՅՈՑ ԹԵՄԻ ԱԶԳԱՅԻՆ ՎԱՐՉՈՒԹԵԱՆ ԿՐՕՆԱԿԱՆ ԺՈՂՈՎԻ ՀԱՂՈՐԴԱԳՐՈՒԹԻՒՆ
Երեքշբաթի, Մայիս 27-ի առաւօտեան, Առաջնորդարանէն ներս տեղի ունեցաւ Գանատայի Հայոց Թեմին Կրօնական Ժողովը, որուն նախագահեց Գերաշնորհ Տ. Մեղրիկ Սրբ. Եպկ. Բարիքեանը:
Թեմիս Կրօնական Ժողովի ատենապետ ընտրուեցաւ Արժանապատիւ Տ. Գառնիկ Աւ. Քհնյ. Գոյունեան, ատենադպիր՝ Արժանապատիւ Տ. Կոմիտաս Աւ. Քհնյ. Փանոսեան իսկ խորհրդական Հոգեշնորհ Տ. Վարդան Աբղ. Թաշճեան: Թեմիս բոլոր հոգեւոր հայրերը իրենց մասնակցութիւնը կը բերեն սոյն Ժողովին:
Առաջնորդ Սրբազան Հօր խնդրանքով, Կրօնական Ժողովին ներկայ գտնուեցան նաեւ Գերաշնորհ Տ. Սուրէն Սրբ. Արք. Գաթարոյեան եւ Արժանապատիւ Տ. Արմէն Աւ. Քհնյ. Իշխանեան եւ ի պաշտօնէ՝ Հոգեշնորհ Տ. Գեղարդ Վրդ. Քիւսպէկեան։
Ժողովը բարձրօրէն գնահատական արձանագրեց Թեմիս Անդրանիկ Առաջնորդ Գերաշնորհ Տ. Խաժակ Սրբ. Արք. Յակոբեանի 12-ամեայ ծառայութեան ի յարգանս եւ յերախտագիտութիւն:
Ժողովը իր օրակարգերու քննարկման սկսաւ Սուրէն Արքեպիսկոպոսի եւ Տէր Արմէն Աւ. Քահանայի սրտի խօսքերէն ետք եւ կեդրոնացաւ հետեւեալ նիւթերուն մասին.-
1. Յառաջիկայ Կրօնական Ժողովներու թուական եւ վայրերու ճշտում
2. Առաջնորդ Սրբազան Հօր այցելութեանց ժամանակացոյց
3. Canadian Council of Churches
4. Միջ-յարանուանական յարաբերութիւններ
5. Հայոց Ցեղասպանութեան 100-ամեակի Նախաձեռնութիւններ
6. Սբ. Գրոց Սերտողութիւններ
7. Քարոզախօսութիւն
8. Ծիսական Միօրինակութիւն Թեմէն ներս
9. Ցաւակցութիւններ
10. «Հայ Տարեցներու Տարի»
11. Հայեցի Դաստիարակութեան Խորհուրդ
12. Քրիստոնէական Դաստիարակութեան Խորհուրդ
13. ԼՈՅՍ Պարբերաթերթ – Տեղեկատուութիւն – Եկեղեցիներու Թերթիկներ
14. Մամուլ – Համացանց – Facebook
15. Առաջնորդ Սրբազան Հօր՝ ձեռնարկներու հովանաւորութիւն
16. Եկեղեցիներու մտահոգութիւններ
Ժողովը հասաւ իր աւարտին Առաջնորդ Սրբազան Հօր փակման Խօսքով եւ պահպանիչով:
ԴԻՒԱՆ ԳԱՆԱՏԱՅԻ ՀԱՅՈՑ ԹԵՄԻ ԱԶԳԱՅԻՆ ՎԱՐՉՈՒԹԵԱՆ ԿՐՕՆԱԿԱՆ ԺՈՂՈՎԻՆ