Թորոնթոյի հայ կեդրոնը կը թողարկէ իր նոր կայքէջը՝ www.acctoronto.ca
Արդիականութեան եւ արհեստագիտական նորարարութեան ընձեռած հնարաւորութիւնները քարոզչական լաւ գործիք մըն են: Հպարտութեամբ եւ գոհունակութեանբ կը յայտնենք, որ Թորոնթոյի Հայ Կեդրոնը օժտուած է նոր կայքէջով՝ www.acctoronto.ca:
Կաքէջը երկլեզու է: Կ’ընդգրկէ ծաւալուն տեղեկութիւններ Թորոնթոհայ Գաղութի կազմութեան, Հայ Կեդրոնի պատմութեան եւ աշխատանքներուն մասին:
Մեր այցելուներուն համար շատ դիւրին եւ հետաքրքրական ձեւով տեղադրուած են բոլոր տուեալները։ Կայքէջի այցելուները պիտի տեսնեն 6 ենթաբաժանումներ՝ Մեր Մասին, Օրացոյց, Միութիւններ, Կազմակերպութիւններ, Լուրեր եւ Կապ:
Մեր Մասին բաժինով, այցելողը պիտի ծանօթանայ Թորոնթոհայ գաղութին եւ Հայ Կեդրոնին: Օրացոյց բաժինին մէջ, այցելողը պիտի գտնէ կեդրոնէն ներս տեղի ունեացող բոլոր ձեռնարկներու մանրամասնութիւնները: Միութիւններ եւ Կազմակերպութիւնները մանրամասնօրէն կը ներկայացնեն Հայ Կեդրոնի յարկին տակ գործող միութիւններուն, վարժարանին, եկեղեցւոյ եւ մամուլի հաստատութիւններուն մասին ծանօթացում, աշխատելադաշտեր, ենթայանձնախումբեր, վարչական կազմեր եւ ընկերային ցանցերու եւ ելեկտրոնային հասցէներ: Լուրերը կը տեղեկացնեն հայրենի եւ տեղական քաքական, ընկերային եւ մշակութային վերջին իրադարձութիւնները եւ վերջապէս Կապով կրնաք կապ հաստատել կեդրոնիս տարբեր բաժանմունքներուն հետ եւ արձանագրուիլ ամսական լրատուին: