Հանդիպում` Տաւուշ Մարզի ՀՕՄ-ականներուն Հետ

16 օգոստոսին ՀՕՄ-ի Շրջանային վարչութիւնը այցելեց Տաւուշի մարզ: Դիլիջան քաղաքին մէջ տեղի ունեցաւ հանդիպում մարզի մէջ գտնուող  Դիլիջանի, Իջեւանի եւ Նոյեմբերեանի մասնաճիւղերու ներկայացուցիչներուն հետ: ՀՕՄ-ի Հայաստանի Շրջանային վարչութեան   ատենապետ Մարօ Քէշիշեան ներկայացուց Շրջանային վարչութեան մօտակայ ծրագիրները, որոնք հիմնականօրէն կը վերաբերին այս տարի կայանալիք ՀՕՄ-ի Հրապարակային ուխտի արարողութեան, ՀՕՄ-ի 115-ամեակին նուիրուած 10-օրեայ ձեռնարկներուն եւ 2026 թուականի ապրիլին նշուելիք ՀՕՄ-ի Հայաստանի հիմնադրութեան 35-ամեակին նուիրուած տօնախմբութեան` խնդրելով ՀՕՄ-ականներէն աշխուժ աջակցութիւն ցուցաբերել   նախապատրաստական տարաբնոյթ աշխատանքներուն: Այնուհետեւ Շրջանային վարչութիւնը լսեց մասնաճիւղերուն զեկոյցները, որոնք կը վերաբերէին իրենց  հանդիպած դժուարութիւններուն եւ արձանագրուած յաջողութիւններուն:

Այնուհետեւ ՀՕՄ-ի Հայաստանի Շրջանային վարչութիւնը գումարեց իր լիագումար ժողովը` մանրամասն քննարկելով շրջանի մասնաճիւղերու ներկայ վիճակը եւ  աշխատանքային ապագայ ընթացքը: