Արարատ Միրզոյեանը ծանր ակնարկ արեց, որը Թուրքիայի խօսոյթն է եւ տարիներ շարունակ ասուել է Թուրքիայի կողմից․ Իշխան Սաղաթէլեան
ԱԺ-ում լրագրողների հետ զրոյցում անդրադառնալով ԱԳ նախարար Արարատ Միրզոյեանի՝ «Հայոց ցեղասպանութեան միջազգային ճանաչումն իրենց թիւ մէկ առաջնահերթութիւնը չէ» յայտարարութեանը՝ ՀՅԴ Հայաստանի ԳՄ ներկայացուցիչ, «Հայաստան» խմբակցութեան պատգամաւոր Իշխան Սաղաթէլեանն ասաց, որ այս իշխանութեան պարագայում իր համար այդ յայտարարութիւնը զարմանալի չէ, այլ նաեւ օրինաչափ է:
«Արարատ Միրզոյեանը նաեւ ծանր ակնարկ արեց, որը Թուրքիայի խօսոյթն է՝ նման հարցերը թող պատմաբանները քննարկեն: Դա տարիներ շարունակ ասուել է Թուրքիայի կողմից։ Արարատ Միրզոյեանից եւ Նիկոլ Փաշինեանից այլ բան սպասել հնարաւոր չէ: Երբ ասում են՝ դա պատմական հեռաւոր անցեալում տեղի ունեցած իրադարձութիւն է, ընդամէնը մէկ տարի առաջ Արցախում տեղի ունեցաւ էթնիկ զտում, ցեղասպանութիւն: Նաեւ այսօր յայտարարեց, որ այդ հարցով էլ իրենք հաշտ են, օրակարգ չունեն: Իրենց եւ Ալիեւի խօսոյթը վաղուց չի տարբերւում: Երկու տեղ են ասում, որ Արցախի հակամարտութեան հարցը լուծուած է, փակուած է՝ էրտողանը եւ Բայրամովը, Արարատ Միրզոյեանն ու Նիկոլ Փաշինեանը: Սրանց ուրացման քաղաքականութիւնը շարունակւում է եւ գնալով աւելի է խորանալու», ասաց Իշխան Սաղաթէլեանը:
Comments are closed.