Մոսկուա Հաստատեց Կապանի Մէջ Հիւպատոսութիւն Բանալու Ծրագիրը
422
0
Ռուսիոյ կառավարութիւնը համաձայնութիւն տուաւ Հայաստանի Կապան շրջանին մէջ գլխաւոր հիւպատոսութիւն բանալու ծրագիրին:
Հրամանագիրը ստորագրեց Ռուսիոյ վարչապետ Միխայիլ Միշուսթին:
«Ընդունել Ռուսիոյ արտաքին գործոց նախարարութեան առաջարկը՝ խնդրագիրներու փոխանակման միջոցով Ռուսիոյ կառավարութեան եւ Հայաստանի Հանրապետութեան կառավարութեան միջեւ Կապան քաղաքին մէջ Ռուսիոյ գլխաւոր հիւպատոսութիւն բանալու մասին», կ՛ըսուի փաստաթուղթին մէջ:
Կապանի մէջ Ռուսիոյ գլխաւոր հիւպատոսութիւնը պիտի դառնայ երկրորդը Հայաստանի մէջ, առաջինը՝ Գիւմրիի մէջ է:
Հոկտեմբերի աւարտին, Հայաստանի արտաքին գործոց նախարար Արարատ Միրզոյեան հաստատեց, որ Մոսկուա Կապանի մէջ հիւպատոսութիւն բանալու փափաք յայտնած է, իսկ Երեւան տուած է իր համաձայնութիւնը:
Comments are closed.