Հայ Սահմանապահներուն Կողմէ Ձերբակալուած Երկու Ազրպէյճանցի Զինուորները Վերադարձուեցան

Հայաստանի պաշտպանութեան նախարարութեան N զօրամասի պահպանութեան տեղամասերէն մէկուն մէջ հայ սահմանապահներուն կողմէ  18 դեկտեմբերին ձերբակալուեցան ազրպէյճանցի զինուած ուժերու երկու սահմանախախտ զինուորներ:

Հայաստանի պաշտպանութեան նախարարութենէն յայտնեցին, որ 20 դեկտեմբերին, մարդասիրական նկատառումներով եւ Ռուսիոյ միջնորդութեամբ, նշուած զինուորները վերադարձուած են ազրպէյճանական կողմին: