ԻՇԽԱՆ ՍԱՂԱԹԷԼԵԱՆ ԸՆԴՈՒՆԵՑ ՀԱՅԱՍՏԱՆԻ ՄԷՋ ՌՈՒՍԻՈՅ ԴԵՍՊԱՆԸ
20 հոկտեմբերին ՀՅԴ Հայաստանի Գերագոյն մարմինի ներկայացուցիչ, Հայաստանի Ազգային ժողովի փոխնախագահ Իշխան Սաղաթէլեան ընդունեց Հայաստանի մէջ Ռուսիոյ արտակարգ եւ լիազօր դեսպան Սերկէյ Քոփերքինը:
Կողմերը քննարկեցին շրջանին մէջ անվտանգութեան իրավիճակին առնչուող հարցեր եւ ընդգծեցին այդ գործընթացներուն մէջ Ռուսիոյ կարեւոր դերակատարութիւնը: Իշխան Սաղաթէլեան իր մտահոգութիւնը յայտնեց ազրպէյճանական զինուած ուժերուն կողմէ Հայաստանի ինքնիշխան տարածքին նկատմամբ իրականացուող բռնութիւններուն վերաբերեալ:
Կողմերը անդրադարձան Արցախի մէջ Ռուսիոյ խաղաղապահ ուժերու առաքելութեան, ղարաբաղեան տագնապին` ներկայացնելով նաեւ հարցերու լուծման իրենց դիրքորոշումները:
ՀՅԴ Հայաստանի Գերագոյն մարմինի ներկայացուցիչը առանձնայատուկ շնորհակալութիւն յայտնեց` հայ ռազմագերիներու վերադարձին մէջ ռուսական կողմին ունեցած կարեւոր դերակատարութեան համար: Երկուստեք կարեւոր նկատեցին հայ ռազմագերիները անյապաղ հայրենիք վերադարձնելու հարցը: Հանդիպման աւարտին կողմերը ընդգծեցին միջխորհրդարանական եւ միջկուսակցական յարաբերութիւններու զարգացման անհրաժեշտութիւնը: