December 16, 2025
Ողջամիտ կասկած է առաջացել, որ դուք ուզում էք Արցախից վերջնականապէս հրաժարուել. Արմէն Ռուստամեանը՝ իշխանութեանը
- (0)
Մենք անընդհատ մի զաւեշտալի իրականութեան ենք բախւում. երբ փորձում ենք արժեւորել, կարեւորել Արցախի հարցը, մեզ միշտ ասում են, որ աւելի կարեւորուած ու արժեւորուած ձեւ ունենք, այդ ձեւով ենք աշխատում․այսօր ԱԺ-ում յայտարարեց «Հայաստան» խմբակցութեան պատգամաւոր Արմէն Ռուստամեանը՝ դիմելով իշխանութեան ներկայացուցիչներին:
Նա յիշեցրեց՝ երբ ԱԺ-ում Արցախի հարցը քննարկել են, իշխանութեանն ասել է՝ միջխորհրդարանական յանձնաժողով կայ, որը շատ աւելի բարձր մակարդակով է գործում, եւ դրա մակարդակը չպէտք է իջեցուի՝ այլ յանձնաժողով ստեղծելով:
«Պարզուեց, որ Արցախի Հանրապետութեան ազգային ժողովի հետ, որն ընտրուել է 2020-ին, ոչ մի նիստ չի գումարուել այդ յանձնաժողովի շրջանակում: Այսքանից յետոյ մերժում էք յանձնաժողովների ստեղծման գաղափարը, ընդհանրապէս Արցախ անունը եւ մեզ մի բան էք ասում, որն ընդհանրապէս իրականութեանը չի համապատասխանում: Արցախի 30-ամեակն ենք նշել. այսքան ցածր մակարդակով երբեք որեւէ յոբելեան չի նշուել: Այսքանից յետոյ ուզում էք մեզ համոզել, որ Արցախն աւելի՞ էք կարեւորում: Ողջամիտ կասկած է առաջացել, որ դուք ուզում էք Արցախից վերջնականապէս հրաժարուել»,- ասաց Ռուստամեանը:
