Արցախի բռնագրաւուած տարածքներու հոգեւոր ժառանգութեան կացութիւնը մտահոգիչ է. Փրոֆ. Հեղնար Զէյթլեան Ուաթընփա

Հորիզոնի հիւրն է Գալիֆորնիոյ համալսարանի ճարտարագիտութեան եւ արուեստի պատմութեան դասախօս փրոֆեսոր Հեղնար Զէյթլեան Ուաթընփան։ Փրոֆեսոր Զէյթլեան հեղինակն է The missing pages. The modern life of a medieval manuscript from Genocide to justice (Պակսող էջերը. Միջնադարեան ձեռագրի մը արդի կեանքը՝ Ցեղասպանութենէն մինչեւ արդարութիւն) գրքին, որ կը վերաբերի Զէյթունի Աւետարանին կորսուած 8 էջերուն։ Այս հազուագիւտ ուսումնասիրութեան ծննդոցին եւ Զէյթունի Աւետարանի էջերուն ոդիսականին մասին պատմեց Հեղնար Զէյթլեանը։