ՀՅԴ Հայաստանի ԳՄ յայտարարութիւնը

Սահմանադրական փոփոխութիւնների արագընթաց և անպատասխանատու կերպով Ազգային ժողովում ներկայացումը, քննարկումն ու ընդունումը փաստում են, որ.

1․ օրուայ քաղաքական իշխանութիւնը հետևողականօրէն արհամարհում է երկրի Մայր օրէնքն և, ելնելով անձնական ու քաղաքական շահախնդրութիւնից, իրականացնում է կամակատար դատարան ունենալու ցանկութիւնը,

2․ օգտուելով երկիրը համակած կորոնավիրուսի յաղթահարման պատրուակով յայտարարուած արտակարգ դրութիւնից, քաղաքական իշխանութիւնը անթաքոյց կերպով կայացնում է Սահմանադրութեան իրար հաւասարակշռող երեք ճիւղերից մէկի՝ դատական համակարգի առանցքային դերակատարութիւն ունեցող Սահմանադրական դատարանը զավթելու որոշում, ինչը առերևոյթ առաձնապէս ծանր յանցագործութեան տարրեր է պարունակում:

Ամօթալի և անթոյլատրելի հակասահմանադրական այս ընթացքը պէտք է կասեցնել: Սահմանադրութեան փոփոխութիւնների վերաբերեալ Ազգային ժողովի ընդունած հակասահմանադրական որոշումները անհրաժեշտ է քննարկման առարկայ դարձնել Սահմանադրական դատարանում: Այս առումով ողջունում ենք «Բարգաւաճ Հայաստան» խորհրդարանական խմբակցութեան դիրքորոշումն ու նախաձեռնութիւնը, հորդորում ենք «Լուսաւոր Հայաստան» խորհրդարանական խմբակցութեանը միանալ այս նախաձեռնութեանը:

Դիմում ենք հանրապետութեան նախագահին, որպէս պետութեան գլուխ, նշուած հակասահմանադրական գործընթացի վերաբերեալ արտայայտել յստակ դիքորոշում և ձեռնարկել անհրաժեշտ գործողութիւններ:

Հայ Յեղափոխական Դաշնակցութեան
Հայաստանի Գերագոյն մարմին