Ըմբշամարտ. Հայաստանի Ազատ Ոճի Ըմբիշները Կը Մասնակցին Աշխարհի Ակումբներու Ախոյեանութեան

26-27 նոյեմբերին Իրանի մայրաքաղաք Թեհրանի մէջ տեղի կ՛ունենայ ազատ ոճի ըմբշամարտի աշխարհի ակումբներու ախոյեանութիւնը, ուր Հայաստան կը ներկայանայ Տաշիր ակումբով, կը յայտնէ Հայաստանի ազգային ողիմպիական կոմիտէին պաշտօնական կայքը:

Թեհրան մեկնող կազմը հետեւեալն է.

Գառնիկ Մնացականեան (57 քկ), Երուանդ Թադէոսեան (61 քկ), Վալոդիա Ֆրանգուլեան (65 քկ), Վալտեր Մարգարեան (70 քկ), Վարուժան Կաջոյեան (74 քկ), Վահէ Թամրազեան (86 քկ), Էդգար Ենոքեան (86 քկ) եւ Անդրանիկ Գալստեան (125 քկ):

Խումբը կը գլխաւորէ Հայաստանի ազատ ոճի ըմբշամարտի հաւաքականի գլխաւոր մարզիչ Արայիկ Բաղդադեան եւ մարզիչ` Յովսէփ Յովսէփեան:

Նշենք, որ մրցանակային ընդհանուր ֆոնտը կը կազմէ 100 հազար ամերիկեան տոլար: Ախոյեանը կը ստանայ 50 հազար ամերիկեան տոլար, ապա յաջորդաբար 30 հազար եւ 20 հազար կը ստանան անոր ետին 2-րդ եւ 3-րդ հանդիսացողները:

14-16 դեկտեմբերին նոյն վայրին մէջ տեղի պիտի ունենայ յունահռոմէական ոճի ըմբշամարտի աշխարհի ակումբներու ախոյեանութիւնը, ուր Հայաստան կը ներկայանայ Տինամօ ակումբով, իր այս լուրը կ՛եզրափակէ ArmSport.am: