Օզպիլիս Հրաժարեցաւ Թրքական Խումբ Տեղափոխուիլ

Սպարտակ Մոսկուայի եւ Հայաստանի ֆութպոլի ազգային հաւաքականի միջնապահ Արազ Օզպիլիս հրաժարեցաւ ֆութպոլիստի իր արհեստավարժ ասպարէզը շարունակել Թուրքիոյ մէջ:

Մէջբերումներ կատարելով ռուսական մամուլէն` ArmSport.am կը հաղորդէ, որ Օզպիլիսի ակումբը ուզած է այդ փոխանցումը կատարել, սակայն հայազգի ֆութպոլիստը կտրուկ կերպով մերժած է այդ մէկը` նշելով, որ երբեք չ՛ուզեր այդպիսի առաջարկի մը համաձայն գտնուելով մեկնիլ Թուրքիա:

Նշենք, որ 25 տարեկան ֆութպոլիստով մօտէն հետաքրքրուած էր Պուրսասփոր: