Հայ Մարզիկը Ոսկի Մետալի Տիրացած Է Պաքուի Մէջ

Գիւմրեցի Սեդա Թութխալեան, որ մաս կը կազմէ մարմնամարզութեան կիներու Ռուսիոյ հաւաքականին, դարձած է Պաքուի մէջ տեղի ունեցող Եւրոպական մարզական խաղերու խմբային ախոյեան:

Ռուսիոյ եռեակը հաւաքած է 116,897 միաւոր` շրջանցելով Գերմանիան (110,397) եւ Հոլանտան (110,099): Ռուսիոյ հաւաքականին մաս կը կազմէին նաեւ Վիքթորիա Քոմովա եւ Ալիյա Մուսթաֆինա:

15-ամեայ Սեդա Թութխալեան 2015-ի պատանեկան ողիմպիականի ախոյեան է: Ան սամպոյի աշխարհի եւ Հայաստանի եռակի ախոյեան Գուրգէն Թութխալեանի դուստրն է: Սեդան 7 տարեկանէն Մոսկուայի մէջ սկսած է մարզուելու: