Ֆրանսայի Ֆութպոլի Բաժակի Մրցաշարք. Միլիտոսեանի Խումբը Մրցաշարքէն Դուրս Ձգեց Մարսէյը

Ֆրանսայի ֆութպոլի բաժակի մրցաշարքի 1 – 32-րդ հանգրուանին ծիրին մէջ, Մարսէյ, որ հիւրը եղաւ Կրենոպլի, դուրս մնաց մրցաշարքէն, երբ փենալթիներով 5-4 արդիւնքով պարտութիւն մը կրեց անկէ:

Մրցումին 120 վայրկեանները աւարտեցան 2-2 արդիւնքով, ինչ որ պատճառ դարձաւ, որ դիմուի փենալթիներուն:

Նշենք, որ ոչ արհեստավարժ ախոյեանութեան  մասնակցող Կրենոպլը իր կազմին մէջ ունի Հայաստանի ֆութպոլի երիտասարդներու եւ ազգային հաւաքականներու նախկին յառաջապահ, 21 տարեկան Վահագն Միլիտոսեանը:

Իսկ Մարսէյի մաս կը կազմէ երիտասարդ յետսապահ Կայէլ Անտոնեան: