Սերժ Թանքեան եւ Ատոմ Էկոյեան այցելեցին «Նարեկացի» արուեստի միութեան կեդրոն
“System of a Down” հռչակաւոր ռոք խումբի երգիչ, երգահան Սերժ Թանքեանը, գանատահայ բեմադրիչ Ատոմ Էկոյեանն ու ամերիկահայ բեմադրիչ Էրիկ Նազարեանը հիւրն էին Երեւանի «Նարեկացի» արուեստի միութեան կեդրոնին մէջ «Նարեկացի» նուագախմումբին լսելու և տեսնելու համար:
Երիտասարդ երաժիշտները Արտեմ Խաչատուրի գեղարուեստական ղեկավարմամբ 2016 թուականին որպէս նուիրում Սերժ Թանքեանին և SOAD խումբի անդամներուն ներկայացուցած էին անոնց “Aerials” երգի մեկնաբանութիւնը ժողովրդական նուագարաններով, որ մեծ հետաքրքրութիւն ստեղծած էր, որուն իբրեւ արդիւնք, ռոք երաժիշտը այցելելով Հայաստան չէր մերժած «Նարեկացի» արուեստի միութեան հիմնադիր Նարեկ Յարութիւնեանի հրաւէրը և եկած էր լսելու:
Փոխադարձ ոգեւորուածութեամբ անցաւ հանդիպումը, որու ընթացքին նուագախումբը նուագեց ժողովրդական «Նոր Ուզունդարա»` Արտեմ Խաչատուրի մշակմամբ, և Արամ Խաչատրեանի «Լեռնցիների պար»-ը: