Գանատայի պատանիները հանդիպեցան նահատակուած զինուորներուն ծնողներուն հետ

ՀՅԴ Գանատայի պատանեկան միութեան Ընդհանուր վարիչ մարմնի կազմակերպած «Հայաստանագնացութիւն 2016» ծրագրով գանատահայ 46 դաշնակցական պատանիներ եռօրեայ առաքելութեամբ Արցախ այցելեցին:

Պատանիները այցելեցին Արցախի շարք մը պատմամշակույթային յուշարձաններ, ինչպէս նաեւ առիթ ունեցան ներկայ այցելելու Արցախի զօրամասերէն մէկը, ուր ծանօթացան հայ զինուորներուն հետ:

ՀՅԴ Գանատայի պատանեկան միութեան նախաձեռնութեամբ կազմակերպուած էր նաեւ հանդիպում Արցախեան քառօրեայ պատերազմի ընթացքին նահատակուած զինուորներու ծնողներիուն եւ հարազատներուն հետ:

Պատանիները իրենց շնորհակալութիւնը յայտնեցին հերոս նահատակներու ծնողներուն իրենց կազմակերպած ընթրիքին ներկա գտնուելու համար, ապա նշեցին, որ իրենց զաւակները մերօրեայ հերոսներն են, որոնց պատմութիւններուն վրայ պատանիները կը դաստիարակուին եւ որոնց գործի շարունակողները պիտի հանդիսանան ապագային:

Պատանիները այնուհետեւ հանդէս եկան ասմունքով եւ կատարեցին շարք մը ազգային յեղափոխական երգեր:

Հանդիպման աւարտին ՀՅԴ Գանատայի պատանեկան միութիւնը ապրիլեան քառօրեայ պատերազմի 10 նահատակներու ծնողներուն դրամական աջակցութիւն տրամադրեց:

Պատանիները Գանատա կը վերադառնան Օգոստոս 17-ին։

Արմինէ Նառինեան

Ստեփանակերտ