Ծանրաբարձ Անդրանիկ Կարապետեան՝ Հայաստանի Ախոյեան

ԵՐԵՒԱՆ, «Նիուզ».– Երեւանի ողիմպիականի հերթափոխի պետական մարզական քոլեճի ծանրամարտի մարզադահլիճին մէջ կը շարունակուի ծանրաբարձութեան Հայաստանի ախոյեանութիւնը:

Մրցումին չորրորդ օրը մրցեցան 85 քիլոկրամ եւ 94 քիլոկրամ ծանրութեան դասակարգի ծանրաբարձները:

85 քկ. դասակարգէն Հայաստանի ախոյեան դարձած է Անդրանիկ Կարապետեան (362 քկ.), երկրորդ դիրքը գրաւած է աշխարհի նախկին եւ Եւրոպայի ներկայ ախոյեան Տիգրան Մարտիրոսեան (360 քկ.), պրոնզէ մետալի արժանացած է Սամուէլ Բաբակեան (320 քկ.):

94 քկ. ծանրութեան դասակարգէն ոսկի մետալ ստացած է Աղասի Աղասեան (355 քկ.):

Փետրուար 18ին պիտի մրցին 105 եւ 105 + քկ. ծանրութեան դասակարգի մարզիկները։