Ուիլիըմ Սարոյե՞ան թէ Սիրակ Կորեան, ո՞վ է աւելի տաղանդաւորը

Միևնոյն ժամանակաշրջանին, գոյութիւն ունէր նաև ուրիշ կշիռ ունեցող գրական հանդէս մը, «Story» magazin-ը, Whit Burnett-ի և իր կնոջ` Martha Foley-ի խմբագրութեամբ: Անոր աշխատակիցներուն շատերը նոր հրապարակ իջած գրողներ էին, որոնք հետագային ամերիկեան գրականութեան մէջ համբաւաւոր հեղինակներ դարձան, ինչպէս, J. D. Salinger, William Faulkner, Tennessee Williams, Truman Capote, Norman Mailer և ասոնցմէ ոչ նուազ արժէքաւոր ուրիշներ: 

Գրական յաւակնութիւններ ունեցող երիտասարդ սերունդին իտէալն էր «Story» գրական հանդէսին աշխատակցիլը: Անոնցմէ մէկը Ուիլեըմ Սարոյանն էր,որուն «The Daring Young Man on the Flying Trapeze» պատմուածքը գնահատանքով լոյս տեսաւ Whit Burnett-ի և Martha Foley- ի գրական հանդէսն մէջ: Այս յաջողութիւնէն խանդավառուած Ուիլեըմ Սարոյան մէկ ամսուան ընթացքին անհաւատալիօրէն 36 նոր պատմուածքներով ողողեց «Story»ի խմբագրատունը:

Աննախընթաց երեւոյթ էր միևնոյն տարուան ընթացքին երկու նորահաս և տաղանդաւոր գրողներ ունենալ գրական հորիզոնի վրայ, մէկը Սիրակ Կորյան , միւսը Ուիլիըմ Սարոյեան: 

Edward J.O’Brien և Whit Burnett իրարու բարեկամ հրատարակիչներ էին ,բայց միաժամանակ մրցակիցներ: Երկուքն ալ կը հպարտանային, որ գտած են լաւագոյն ապագայ խոստացող գրողը: Նոյնիսկ բանավէճի մտան: Երբ Edward O’Brien յայտարարեց, որ գտած է լաւագոյն հայ գրողը Սիրակ Կորյանը, Whit Burnett և Martha Foley անմիջապէս պատասխանեցին,թէ իրենց գտած հայ գրողը,Ուիլիըմ Սարոյեանը աւելի տաղանդաւոր է և արդէն անկէ 36 պատմուածքներ ապահոված են:

Բանավէճը վերջ գտաւ,երբ Ուիլիըմ Սարոյեանը միջամտեց և յայտնեց, որ խնդրոյ առարկայ երկու անձերը իրականին մէջ մէկ անձ է: 

Սերոբ Երէցեան