Համահայկական Խաղեր. Կոլֆի Մրցաշարքին Յաղթողները Յստակացան

Երէկ «Արմէնփրես» լրատու գործակալութիւնը հաղորդեց, որ առաջին անգամ ըլլալով Համահայկական ամառնային խաղերուն ընթացքին տեղի ունեցած կոլֆի մրցումները հասան իրենց աւարտին, երբ յստակացան յաղթողները:

Աղջկանց տիտղոսին տիրացաւ Նուշիկ Գէորգեան (Երեւան), մինչ տղոց պարագային առաջին դիրքը գրաւեց Ճիմ Լիլիեն (Նիկոսիա):

Նշենք, որ կոլֆի մրցաշարքին մասնակցեցան 21 մասնակիցներ` աշխարհի 11 երկիրներէ:

Մասնակցողներուն համար տարիքային սահմանափակում չեղաւ: Ամէնէն փոքրն էր 13 տարեկան, իսկ ամէնէն տարիքոտը` 63: