Ազատ Եւ Յունահռոմէական Ոճերու Դասաւորման Հայ Ըմբիշներուն Գրաւած Դիրքերը

Ըմբշամարտի միջազգային ֆետերասիոնը հրապարակեց ըմբշամարտի միջազգային նոր դասաւորումը:

Ազատ ոճի ըմբիշ, 2013 տարուան աշխարհի ախոյեան Դաւիթ Սաֆարեան 65 քկ դասակարգին մէջ կը գրաւէ 18-րդ դիրքը. նախորդ ամսուան բաղդատած ան նահանջեց 6 դիրքով:

Ազատ ոճի դասակարգին մէջ Գրիգոր Գրիգորեան (70 քկ) կը գրաւէ 13-րդ դիրքը:

Արամ Ջուլֆալակեան հռոմէական ոճի 65 քկ դասակարգին մէջ 3 դիրք նահանջելով այժմ կը գրաւէ 15-րդ դիրքը:

71 քկ դասակարգին մէջ Վարշամ Պորանեան մնաց 8-րդ դիրքին վրայ:

75 քկ դասակարգին մէջ աշխարհի գործող ախոյեան Արսէն Ջուլֆալակեան կը մնայ 2-րդ դիրքին վրայ եւ առաջին դիրքը կը զիջի հարաւային քորէացի Քիմ Հիուն Վույին:

Նոյն դասակարգին մէջ 19-րդ դիրքին վրայ կը գտնուի Կարապետ Չալեան, որ նախորդ դասաւորման համեմատ 2 դիրքով նահանջեց:

85 քկ դասակարգին մէջ 14-րդ դիրքին վրայ (նախապէս` 13-րդ) կը գտնուի Մաքսիմ Մանուկեան:

ArmSport.am իր լուրը կ՛եզրափակէ նշելով, որ 98 քկ դասակարգին մէջ պարագլուխի դիրքը նախորդ ամսուան պէս կը գրաւէ աշխարհի գործող ախոյեան` Արթուր Ալեքսանեան: