Մխիթարեան Ընդհանուր Խումբ Կը Վերադառնայ Այս Շաբաթավերջին

Պորուսիա Տորթմունտի եւ Հայաստանի ֆութպոլի ազգային հաւաքականի միջնապահ Հենրիխ Մխիթարեան ընդհանուր խումբ պիտի վերադառնայ այս շաբաթավերջին, յայտնեց գերմանական ակումբին պաշտօնական կայքը:

25 տարեկան ֆութպոլիստը կը շարունակէ ապաքինիլ իր ստացած վնասուածքէն եւ ցարդ կը մարզուի անհատական ծրագիրով, կը յայտնէ ArmSport.am:

Մխիթարեան վնասուածք ստացած էր նախորդ 13 դեկտեմբերին` Հերթա Պերլինի դէմ տեղի ունեցած «Պունտըսլիկա»-ի մրցումին ընթացքին:

Այս տարեշրջանին ան Գերմանիոյ ֆութպոլի ախոյեանութեան գծով իր մասնակցութիւնը կրցաւ բերել 12 մրցումի: