Տող Գիւղին Մէջ Սկսած Է ՀՕՄի Տարեկան Ճամբարը

20 Յուլիսին Հադրութի շրջանի Տող գիւղի դպրոցին մէջ սկսած է Հայ Օգնութեան Միութեան տարեկան ճամբարը:
Ասկերանի, Մարտակերտի, Քաշաթաղի շրջաններէն ու Ստեփանակերտէն բազմազաւակ եւ անապահով ընտանիքներու 10-15 տարեկան 100 երեխաներ 20-28 Յուլիս իւրօրինակ ու հետաքրքրական ձեւով պիտի անցընեն իրենց ամառնային արձակուրդները ՀՕՄի ճամբարին մէջ: Արդէն 5րդ տարին է, որ ՀՕՄականները նման նախաձեռնութիւն կը կատարեն։
Այս տարի ճամբարը կեանքի կոչուած է ՀՕՄի Արցախի միաւորման նախաձեռնութեամբ՝ տեղացի եւ արտերկրի բարերարներու աջակցութեամբ: