Հայ Բռնցքամարտիկները Մետալներու Տիրացան

ԵՐԵՒԱՆ, «Նիուզ».– Բռնցքամարտի Հայաստանի երիտասարդական հաւաքականը աւարտեց ելոյթները Սերպիոյ մէջ կայացած «Նովի Սատ» անուանումը կրող միջազգային մրցաշարքին:
Հայաստանի 9 ներկայացուցիչներէն 6ը նուաճեցին մետալներ: 51 քիլոկրամ ծանրութեան մրցաշարքի յաղթող դարձաւ աշխարհի ախոյեան Անոյշ Գրիգորեանը, որ եզրափակիչ հանգրուանին յաղթանակ տարաւ հնդիկ Քանու Քոնտհուճամիի դէմ:
Արծաթէ մետալներու տիրացան 69 քլկ. ծանրութեան Տիգրան Մելքոնեանը եւ 81 քիլոկրամ ծանրութեան Նարեկ Մանասեանը: Պրոնզէ մետալներու արժանացան Սպարտակ Թամարեանը (56 քլկ.), Արմէն Մխիթարեանը (64 քլկ.) եւ գերծանր կշիռքի Գնէլ Մուրադեանը։