Ըստ France 24-ի՝ Քեսապի մէջ կատարուածը Ցեղային մաքրագործման գործընթաց էր

\n

Ֆրանսական France 24 հեռատեսիլի կայանի կայքէջին վրայ լրագրող Մարք Տաու Քեսապի դէպքերուն մասին գրած է յօդուած, որուն մէջ ան կ՚անդրադառնայ Միջերկրական ծովու և Միջին Արևելքի ուսումնասիրութիւններու և հետազօտութեան խումբի ղեկավար, Սուրիոյ քաղաքական հարցերու մասնագէտ Ֆապրիս Պալոնշի (groupe de recherches et d’études sur la Méditerranée et le Moyen-Orient) կարծիքներուն։

\n

Ըստ Պալոնշի, Քեսապի յարձակումները հայաբնակ Քեսապի վրայ ուղղուած եղա են նոյնինքն հայերու դէմ, և քաղաքի գրաւումը անկարելի պիտի ըլլար առանց թրքական իշխանութիւններու ռազմական օժանդակութեան և «կանաչ լոյսին»:

\n

«Զէնք և զինամթերք ձեռք ձգելու համար ապստամբները կարիք չունին անցնիլ այդ սահմանով: Սահմանին վրայ գտնուող և ռազմավարական նշանակութիւն ունեցող քաղաքի գրաւումը կապուած է Քեսապի հայերուն դէմ ցեղային մաքրագործում (ethnic cleansing) իրականացնելու ռազմավարութեան հետ»,- նշած է Պալոնշ:

\n