ՀԲԸՄ գիւղատնտեսական աջակցութեան ծրագիր կը նախաձեռնէ Քաշաթաղի սուրիահայ ընտանիքներուն համար
Սուրիական պատերազմի նախօրեակին եւ անկէ ետք, սուրիահայ ընտանիքներ բնակութիւն հաստատեցին Լեռնային Ղարաբաղի Հանրապետութեան Քաշաթաղի Բերձոր, Իշխանաձոր և Կովսական բնակավայրերուն մէջ։ Արցախի մէջ բնակութիւն հաստատած սուրիահայ ընտանիքներուն մեծամասնութիւնը Գամիշլիէն են։ Վերաբնակեցուա 29 ընտանիքներէն 17-ը կը բնակին Կովսականի մէջ, որոնցմէ 4-ը Արցախ եկած են 2010-ին, իսկ մնացեալ 13-ը` 2012-ին: Կովսականի Թաթուլ Կրպէյեանի անուան միջնակարգ դպրոցի 95 աշակերտներէն 14-ը սուրահայ երեխաներ են:
Սուրիահայ ընտանիքներու մեծ մասը կը զբաղի հողագործութեամբ, անոնց տրամադրուած են մեծ հողատարածքներ եւ գիւղատնտեսական վարկեր:
Արցախի հարաւ-արևմտյան հատուածի Ողջի գետի ափին գտնուող ազատագրուած Կովսական քաղաքին մէջ բնակութիւն հաստատած սուրիահայ ընտանիքներուն աջակցելու նպատակով, Հայկական բարեգործական ընդհանուր միութիւնը (ՀԲԸՄ) այս տարի նախաձեռնեց գիւղատնտեսական աջակցութեան ծրագիր, որուն շնորհիւ սուրիահայ հայրենակիցներուն պիտի տրամադրուի գիւղատնտեսական մեքենաներ: Անցնող օրերուն այդ նպատակով Կովսական ուղարկուած են 3 թաքթորներ, 2 սերմնացաններ, պարարտանիւթերու ցրուիչ մեքենաներ, սրսկիչ մեքենաներ և այլ գործիքներ:
Այս ծրագրին համար ՀԲԸՄ-ը տրամադրած է շուրջ 120 հազար տոլար: