Ուքրանական Ֆութպոլ. Միրանեանի Տուպլէն Յաղթանակ Պարգեւեց Շախտիորին

Ուքրանիոյ ֆութպոլի 19 տարեկանէն վար դասակարգի ախոյեանութեան աւարտական հանգրուանի Ա. խմբակին մաս կազմող Շախտիոր Տոնեցք 2-0 արդիւնքով յաղթեց Չեռնամորեցի։ Լուրը հաղորդող ArmSport.am լրատուական կայքէջը կ՛աւելցնէ, որ 19 տարեկան յառաջապահ Արթուր Միրանեանի իրագործած տուպլէն յաղթանակ պարգեւեց Շախտիորին։ Նշենք, որ Միրանեան ախոյեանութեան նախնական հանգրուանի Բ. բաժինի մրցումներուն դարձաւ լաւագոյն կոլսքորըրը՝ նշանակելով 12 կոլ։