Ճատրակ. Սերկէյ Մովսիսեան Տիրացաւ Սլովաքիոյ Պլից Մրցաշարքի Տիտղոսին

Հայաստանի ճատրակի ֆետերասիոնին պաշտօնական կայքէջէն (armchess.am) կը տեղեկանանք, որ հայրենի կրանտմասթըր Սերկէյ Մովսիսեան տիրացաւ Պանսքա Սթիավնիքայի մէջ (Սլովաքիա) տեղի ունեցած ճատրակի պլից մրցաշարքի տիտղոսին: Ան արձանագրեց գերգնահատելի արդիւնք մը` ապահովելով առաւելագոյն 11 կէտը: Անոր անմիջական մրցակիցը եւ երկրորդ դիրքը գրաւած այլ կրանտմասթըր մը` Միքուլաս Մանիք (Սլովաքիա), Մովսիսեանէն ետ մնաց 2,5 կէտով: