Փաշինեան համաձայնած է Թուրքիոյ անվարձահատոյց կերպով տրամադրել Արաքս գետի ջրային պաշարներու բացառիկ իրաւունքները
- (0)
Թրքական լրատուամիջոցները կը հաղորդեն, որ Հայաստանի վարչապետ Նիկոլ Փաշինեան համաձայնած է Թուրքիոյ անվարձահատույց կերպով տրամադրել Արաքս գետի ջրային պաշարներու բացառիկ իրաւունքները, յաջորդ 99 տարիներուն ընթացքին։
Ըստ հաղորդումներուն՝ երկու երկիրներու միջեւ յարաբերութիւններու բարելաւման ուղղուած համաձայնագրին համաձայն, Թուրքիոյ պիտի արտօնուի գետի վրայ կառուցել քանի մը ամբարտակներ եւ հիդրոէլեկտրակայաններ։ Համաձայնագիրը, զոր Երեւանը կը դիտէ որպէս շրջանին մէջ իրավիճակի կարգաւորման անհրաժեշտ քայլ, միջազգային դիտորդներու կողմէ լայնօրէն կը գնահատուի որպէս Թուրքիոյ նախագահ Ռեճէպ Թայյիպ Էրտողանի ռազմավարական յաղթանակ։
Համաձայնագիրը կնքուած է այն բանէն ետք, երբ Պաքուն, Ատրպէյճանի միջոցով, թոյլատրեց Հայաստան ուղղուող բեռներու տարանցումը։ Հոդվածին մէջ կը նշուի, թէ Հայաստանի կառավարութիւնը անցեալին ալ քանի մը խորհրդանշական ժեսթեր կատարած է, օրինակ՝ անձնագիրներու կնիքներէն Արարատ լեռը հեռացնելը։ Նոր համաձայնագիրը, ըստ աղբիւրներուն, կը նշանակէ անցում դէպի աւելի շօշափելի ժեսթեր։
Վերոնշեալ համաձայնագիրը Թուրքիոյ կը շնորհէ անսահմանափակ իրաւունքներ՝ օգտագործելու Հայաստանի ամենամեծ գետը եւ քաղցրահամ ջուրի հիմնական աղբիւրը։ Թրքական վերլուծաբաններ կ’ընդգծեն, որ այս քայլը անգամ մը եւս ցոյց կու տայ Հայաստանի խոցելի դիրքը պատերազմին մէջ կրած պարտութենէն ետք։
